విద్యార్థులు కష్టపడి చదవాలి

📰 Generate e-Paper Clip

• ఎమ్మెల్యే పోచారం శ్రీనివాస్​ రెడ్డి

బతుకమ్మ, బాన్సువాడ : బాన్సువాడ నియోజకవర్గంలో అనేక కళాశాలలు ఏర్పాటు చేశామని.. విద్యార్థులు కష్టపడి చదవాలని ఎమ్మెల్యే పోచారం శ్రీనివాస్​ రెడ్డి అన్నారు. కోటగిరి మండల కేంద్రంలో ప్రభుత్వ జూనియర్ కళాశాలను బుధవారం సందర్శించి విద్యార్థులతో మాట్లాడారు. బాన్సువాడలో డిగ్రీ ఉర్దూ మీడియం, నర్సింగ్​, ఫుడ్​ టెక్నాలజీ, వ్యవసాయ, పాలిటెక్నిక్​ కళాశాలలను ఏర్పాటు చేయించామన్నారు. అనంతరం జూనియర్ కళాశాలలో విద్యార్థులు అటెండెన్స్ రిజిస్టర్ను తనిఖీ చేశారు. గతేడాది వచ్చిన ఫలితాల వివరాలను అడిగి తెలుసుకున్నారు. విద్యార్థుల సంఖ్యను, ఫలితాలను పెంచేలా చర్యలు తీసుకోవాలని అధ్యాపకులకు సూచించారు. ఈ కార్యక్రమంలో ఏఎంసీ ఛైర్మన్ హన్మంత్, తహశీల్దార్ గంగాధర్, ఎంపీడీవో శ్రీనివాస్ రెడ్డి, కళాశాల ప్రిన్సిపాల్ కైసర్ పాషా, విండో ఛైర్మన్ కూచి సిద్ధు, మండల అధ్యక్షుడు పుప్పాల శంకర్, కొట్టం మనోహర్, ఎజాజ్ ఖాన్, పత్తి లక్ష్మణ్, తదితరులు పాల్గొన్నారు.