ఎల్లారెడ్డి, బతుకమ్మ : కామారెడ్డి జిల్లా ఎల్లారెడ్డి మండల కేంద్రంలోని తిమ్మాపూర్ గ్రామంలో రైతు చిమ్మ సత్యనారాయణ దూడపై పులి దాడి చేసి ఆదివారం రాత్రి చంపేసిందని ఫారెస్ట్ అధికారులు తెలిపారు. ప్రతిరోజు తన పొలం వద్ద బర్రెలను కట్టివేసి వస్తాడు. ఆదివరం రాత్రి రాత్రి 8 గంటల ప్రాంతంలో బర్రెలు కట్టేసి వచ్చాడు. సోమవారం ఉదయం ఆరు గంటల సమయంలో పొలంలోనికి వెళ్లి చూడగా దూడ మరణించి ఉంది. ఈ విషయం ఫారెస్ట్ అధికారులకు తెలియ చేయడంతో ఫారెస్ట్ అధికారులు వచ్చి చిరితపులి దాడి వల్ల మరణించినట్లు నిర్దారిచారు. ఈ సంఘటన అనంతరం తిమ్మాపూర్ గ్రామస్థులు భయాందోళన చెందుతున్నారు.
