8ఫీట్ల కంటే ఎత్తుగల గణపతులు ఉమ్మెడ బ్రిడ్జీ వద్దనే నిమజ్జనం చేయాలి

📰 Generate e-Paper Clip

• 8ఫీట్లకన్న పెద్ద గణేష్ లకు జాన్కంపేట్ మీదుగా అనుమతించడం లేదు
• గణేష్ నిమజ్జనం రూట్ మ్యాప్ ప్రకటించిన పోలిస్ కమిషనర్ సాయి చైతన్య

నిజామాబాద్ క్రైం, బతుకమ్మ :నిజామాబాద్ నగరంలో గణేష్ నిమజ్జన శోభాయాత్ర రూట్ మ్యాప్ ను ప్రకటించారు పోలీస్ కమిషనర్ సాయి చైతన్య. నిజామాబాద్ జిల్లా కేంద్రంలో అగస్టు 27న ప్రతిష్టాపన జరుపుకున్న గణనాథుల నిమజ్జనం సెప్టెంబర్ 6న జరుగుతుందని దానికోసం విగ్రహాల సైజ్ ల ఆధారంగా 8 ఫీట్ల కన్న ఎక్కువ ఎత్తు గల విగ్రహాలు ఈ దిగువ విధంగా వెళ్ల వలెను అని రూట్ మ్యాప్ లో తెలిపారు. బాసర గోదావరిలో గణేష్ నిమజ్జనం చేయాలనుకుంటే 8 ఫీట్లకంటే తక్కువ సైజ్ గత విగ్రహాలకు అనుమతిస్తామని తెలిపారు.  జాన్కంపేట్ నందు బ్రాడ్ గేజ్ రైలు హై టెన్షన్ రైల్వే లైన్ గలదు కావున ఆ రూటు నందు 8 ఫీట్ల కంటే ఎక్కువ ఎత్తు గల వాహనాలు వెళ్ళడం నిషేధించడం జరిగిందన్నారు.  గణేష్ విగ్రహం 8 ఫీట్ లోపు గల విగ్రహాలను పాత రూటు ప్రకారంగా అనగా నెహ్రూపార్కు, అర్సాపల్లి, జాన్కంపేట్, నవిపేట్ మీదుగా బాసర కు వెళ్ల వచ్చును అని తెలిపారు. గణేష్ విగ్రహం 8 ఫీట్ల కంటె ఎత్తుగల విగ్రహాలను పాత నిజామాబాద్ ఏరియా వారు గాజుల పేట, శివాజీ నగర్, గోల్ హన్మాన్, అంగడి బజార్, ఎల్లమ్మ గుట్ట, పూలాంగ్, రాజారాజేంద్ర  చౌరస్తా చుట్టు ప్రాంతాలు, సాయినగర్, గాయిత్రి నగర్, కోటగల్లి, హౌసింగ్ బోర్డు, బోర్గామ్, న్యాల్కల్, నాగారాం మొదలగు కాలనీల వారు కొత్త రూట్ లో వెళ్లాలని తెలిపారు. ఎనిమిది ఫీట్ల కంటే ఎక్కువ ఎత్తుగల విగ్రహలను  పూలాంగ్ – ఎన్.టి.ఆర్ చౌరస్తా  –  రైల్వే స్టేషన్   – బస్ స్టేషన్  – రైల్వే ఓవర్ బ్రిడ్జి  – శివాజీ చౌక్ – దుబ్బా – జి.జి కాలేజీ చౌరస్తా  –  బైపాస్ రోడ్డు  –  చౌరస్తా – ముబారక్ నగర్  –  మాణిక్ బండార్  – దాస్ నగర్ – మాక్లూర్  – నందిపేట్ ( ఉమ్మెడ గ్రామ సరిహద్దులో గల గోదావరి బ్రిడ్జికి వెల్లవచ్చు ) లేదా  – నవిపేట్  –  బాసర గోదావరి బ్రిడ్జికి వెళ్ళ వచ్చును అని తెలిపారు. శోభాయాత్ర  నిమజ్జనం ఆలస్యం లేకుండా ప్రశాంతంగా విజయవంతంగా ఆహ్లాద కరమైన భక్తి వాతావరణంలో జరగటానికి అన్ని గణేష్ మండలి నిర్వహకులు  భక్తులు  ప్రజలు అనునిత్యం సంబంధిత పోలీస్ వారికి సహకరించాలని కమీషనర్ సాయి చైతన్య కోరారు.