వినయ్ రెడ్డిపై అసత్య ఆరోపణలు మానుకోవాలి

• ఏఎంసీ ఛైర్మన్ సాయిబాబా గౌడ్

ఆర్మూర్, బతుకమ్మ : వినయ్ రెడ్డిపై ఆర్మూర్ ఎమ్మెల్యే పైడి రాకేశ్​రెడ్డి అసత్య ఆరోపణలు మానుకోవాలని ఏఎంసీ ఛైర్మన్ సాయిబాబా గౌడ్ అన్నారు. ఆర్మూర్ ప్రెస్​క్లబ్​లో సోమవారం ఏర్పాటు చేసిన విలేకరుల సమావేశంలో ఆయన మాట్లాడారు. వినయ్ రెడ్డి, జీవన్ రెడ్డి మాట్లాడిన తొమ్మిది నిమిషాల సంభాషణ.. తన వద్ద ఉందంటూ రాకేశ్​రెడ్డి చెప్పడం విడ్డూరంగా ఉందన్నారు. వినయ్ రెడ్డి జీవన్ రెడ్డితో 9 సెకండ్లు కూడా మాట్లాడలేదన్నారు. ఇరువురి సంభాషణ ఉంటే బయటపెట్టాలని ఆయన డిమాండ్ చేశారు. వినయ్ రెడ్డి నిబద్ధత కలిగిన నాయకుడన్నారు. నారా లోకేశ్​ను రాకేశ్​రెడ్డి ఎందుకు కలిశారో సమాధానం చెప్పాలన్నారు. ఎమ్మెల్యే రాకేశ్​రెడ్డి ఆర్మూర్ నియోజకవర్గ అభివృద్ధికి కృషి చేయాలని, ఇలాంటి చౌకబారు రాజకీయాలు మానుకోవాలన్నారు. కార్యక్రమంలో ఏఎంసీ వైస్ ఛైర్మన్​ విట్టం జీవన్, పండిత్ పవన్, కొంతం మురళి, భూపేందర్, చిట్టి రెడ్డి, మారుతి రెడ్డి తదితరులు పాల్గొన్నారు.