డిచ్ పల్లి, బతుకమ్మ :
తెలంగాణ విశ్వవిద్యాలయ ఇంజనీరింగ్ కళాశాల – 2026 మొదటి సెమిస్టర్ ఫలితాలను బుధవారం వర్సిటీ ఉపకులపతి టి.యాదగిరిరావు విడుదల చేశారు. ఈ విద్యా సంవత్సరమే ప్రారంభమైన ఇంజనీరింగ్ విభాగంలో బీటెక్ కంప్యూటర్ సైన్స్, బిటెక్ కంప్యూటర్ సైన్స్ విత్ ఆర్టిఫిషియల్ ఇంటెలిజెన్స్ కోర్సులు కొనసాగుతున్నాయి. ఈ కోర్సుల ఫలితాలలో బీటెక్ కంప్యూటర్ సైన్స్ లో 56 విద్యార్థులకు గాను 32 మంది ఉత్తీర్ణులై 57.14% ఉత్తీర్ణతను సాధించారు. బిటెక్ కంప్యూటర్ సైన్స్ విత్ ఆర్టిఫిషియల్ ఇంటెలిజెన్స్ కోర్సులో 15 మంది విద్యార్థులకు గాను 9 మంది విద్యార్థులు ఉత్తీర్ణులై 60 శాతం ఉత్తీర్ణత శాతాన్ని నమోదు చేశారు. ఈ కార్యక్రమంలో వర్సిటీ రిజిస్ట్రార్ ఎం.యాదగిరి, ఆడిట్ సెల్ డైరెక్టర్ గంట చంద్రశేఖర్, ఇంజనీరింగ్ కళాశాల ప్రిన్సిపాల్ ఆరతి, కంట్రోల్ ఆఫ్ ఎగ్జామినేషన్స్ కె.సంపత్ కుమార్, డా.నందిని, డా.భ్రమరాంబిక, డా.శాంతాబాయి, అడిషనల్ కంట్రోల్ ఆఫ్ ఎగ్జామినేషన్స్ డా.టి.సంపత్ పాల్గొన్నారు.