వెబ్ డెస్క్, బతుకమ్మ :
దేశ రాజధాని ఢిల్లీలో బాంబు పేలుడు జరిగింది. సోమవారం సాయంత్రం ఎర్రకోట సమీపంలో పార్క్ చేసిన కారులో పేలుడు జరుగడంతో సమీపంలోని కార్లు ధ్వంసం అయ్యాయి. ఢిల్లీలోని ఎర్రకోట మెట్రో స్టేషన్ గేట్ నెంబర్ 1 సమీపంలో ఒక కారులో పెలుడు జరుగడంతో మూడు వాహనాలు అగ్నికి ఆహుతయ్యాయి. పలువురికి తీవ్ర గాయాలు అయ్యాయి. ఘటనతో స్థానికంగా భీతవాహంగా పరిస్థితి నెలకొంది. దీంతో ఫైరింజన్లు, అంబులెన్స్లు ఘటన స్థలానికి చేరుకున్నాయి. అధికారులు సహాయక చర్యలు చేపట్టారు. అగ్నిమాపక సిబ్బంది మంటలను ఆర్పివేశారు. ఈ సంఘటన లో కొంత మందికి గాయాలు అయ్యాయని తెలుస్తోంది. ఫోరెన్సిక్ బృందాలు సంఘటనా స్థలాన్ని పరిశీలించి, పోలీసులు ఆ ప్రాంతాన్ని తమ ఆధీనంలోకి దర్యాప్తు ప్రారంభించారు. ఘటనకు సంబంధించి పూర్తి వివరాలు తెలియాల్సి ఉంది. బాంబు పేలుడు ఘటనతో దేశ రాజ దానితో పాటు ఇతర ప్రాంతాల్లో హై అలర్ట్ ప్రకటించారు.
