- శ్రీకృష్ణుని వేషాధారణతో అలరించిన చిన్నారులు
బతుకమ్మ నిజామాబాద్ సిటీ : శ్రీ కృష్ణ జన్మాష్టమి పురస్కరించుకొని ఇస్కాన్ కంటేశ్వర్ ఇందూరు శాఖ ఆధ్వర్యంలో జన్మాష్టమి వేడుకలు కన్నుల పండుగగా జరిగాయి. వినాయక నగర్ లోని విజయలక్ష్మి గార్డెన్లో ఏర్పాటుచేసిన ఈ వేడుకల్లో చిన్నారులు శ్రీకృష్ణ, రాద వేషధారణతో అలరించారు. ఈ సందర్భంగా సెంటర్ నిర్వాహకులు రామానంద రాయ గౌరదాస్ మాట్లాడుతూ తమ ఇస్కాన్ కంటేశ్వర్ సంస్థ ద్వారా అనునిత్యం సంస్థాపకాచార్యులు పరమ పూజ్య శ్రీమత్ ఏసీ భక్తి వేదాంత స్వామి ప్రభు పాదుల వారు ఆదేశాల మేరకు నిత్యం ప్రజలకు శ్రీకృష్ణుని లీలలు, భగవద్గీత యొక్క ప్రాముఖ్యత గురించి ప్రచారం చేస్తామన్నారు. ప్రత్యేకంగా ఈరోజు శ్రీకృష్ణ జన్మాష్టమి సందర్భంగా మహా అభిషేకం, హారతి, చిన్నారులతో సాంస్కృతిక కార్యక్రమాలు, ప్రవచనం, చెప్పన్ బోగ్ మహా ప్రసాదాన్ని స్వామివారికి స్వామివారికి నైవేద్యంగా అందించడం జరుగుతుందన్నారు. మహా హారతితో కార్యక్రమం ముగుస్తుందన్నారు.