క్రీడలతో అంతర్జాతీయ గుర్తింపు

📰 Generate e-Paper Clip

• క్రీడాకారుల ప్రోత్సాహానికి కృషి
• మాజి ఎమ్మెల్యే బాజిరెడ్డి
• -4 స్టార్ మీడియా ఆధ్వర్యంలో ఎంపిఎల్ ప్రారంభం

నిజామాబాద్, బతుకమ్మ:  క్రీడల ద్వారా క్రీడాకారులకు అంతర్జాతీయ గుర్తింపు లభిస్తుందని, క్రీడల్లో గెలుపు ఓటములు సహజమని మాజీ రూరల్ ఎమ్మెల్యే బాజిరెడ్డి గోవర్ధన్ అన్నారు.  ఆదివారం ఆయన నిజామాబాద్ శైలజ గ్రౌండ్‌లో 4 స్టార్ మీడియా జెడ్ఆరెస్ 2025 ప్రీమియర్ లీగ్ ను ప్రారంభించారు.  ఈ ప్రారంభోత్సవ కార్యక్రమంలో మాజీ ఎమ్మెల్యే, బిఆరేస్ నేత  బాజిరెడ్డి గోర్ధన్, బిఆరెస్ పార్టీ ఇన్‌చార్జి, ఆయేషా వెల్ఫేర్ ఫౌండేషన్  చైర్మన్ అయేషా ఫాతిమా అమీర్ విశిష్ట అతిథులుగా పాల్గొన్నారు. ప్రారంభోత్సవంలో బాజిరెడ్డి ప్రసంగించారు, ముఖ్యంగా నిజామాబాద్ నగరంలో క్రికెట్  ప్రచారం కోసం 4 స్టార్ మీడియా నిజామాబాద్ గతంలో  రాష్ట్ర ప్రభుత్వం, ముఖ్యమంత్రి చంద్రశేఖర్ రావు, తెలంగాణలో క్రీడల ప్రోత్సాహానికి విశేషమైన చర్యలు తీసుకున్నారని అన్నారు. తెలంగాణ నలుమూలల నుంచి వందలాది మంది యువ క్రీడాకారులు ఉద్భవించారని, వారికి అవసరమైన సౌకర్యాలు, చర్యల ద్వారా గత రాష్ట్ర ప్రభుత్వం జాతీయ, అంతర్జాతీయ స్థాయికి తీసుకెళ్లిందని అన్నారు. నిజామాబాద్ కు చెందిన నిఖాత్ జరీన్ వల్ల నేడు ప్రపంచంలో నిజామాబాద్ పేరు మారుమ్రోగుతోందని అన్నారు. అయేషా ఫాతిమా అమీర్ మాట్లాడుతూ 4 స్టార్ మీడియా సభ్యులను అభినందిస్తూ యువతను సంఘవ్యతిరేక కార్యకలాపాల నుండి కాపాడుతూ వారిని క్రీడా రంగానికి చేర్చి వారిని ప్రోత్సహిస్తూ మార్గనిర్దేశం చేస్తున్న 4 స్టార్ మీడియా నిజామాబాద్ సేవలు అభినందనీయమన్నారు. ఇతర అనైతిక, సంఘ వ్యతిరేక కార్యకలాపాలకు పాల్పడి తమ విలువైన సమయాన్ని వృథా చేసుకోవద్దని, ప్రాథమిక విద్యతో పాటు క్రీడలలోనూ దేవుడిచ్చిన సామర్థ్యాలను చూపాలని ఆయేషా ఫాతిమా అమీర్ యువ తరానికి సూచించారు. ఈ కార్యక్రమంలో బీఆర్ఎస్ సీనియర్ నాయకుడు బాజిరెడ్డి జగన్,  4 స్టార్ మీడియా సభ్యులు రాష్ట్రీయ సహారా స్టాఫ్ రిపోర్టర్ ఎం ఏ మాజిద్,  ఎడిటర్ అవామ్ టివి ముహమ్మద్ నయీమ్ కమర్, మహావర్  ఎడిటర్ గౌస్, మున్సిఫ్ టివి బ్యూరో  ముహమ్మద్ అఫ్జల్ ఖాన్ ల, ముహమ్మద్ జాకీర్ జెడ్ అరిస్ పర్యవేక్షించారు. కార్యక్రమంలో అన్ని జట్లే కాకుండా క్రీడాకారులు, బీఆర్‌ఎస్ పార్టీ నాయకులు, యువకులు పెద్ద సంఖ్యలో పాల్గొన్నారు.