నిజామాబాద్ అర్బన్, బతుకమ్మ :
ఒంటి పూట బడులు ప్రారంభించనున్నట్టు విద్యాశాఖ ఉత్తర్వులు జారీ చేసింది. వేసవి కాలం నేపథ్యంలో మార్చి 16 నుంచి ఉదయం 8 గంటల నుంచి మధ్యాహ్నం 12:30 వరకే బడులు నడపాలని ఆదేశించింది. పదో తరగతి పరీక్ష కేంద్రాలు ఉన్న స్కూళ్లలో మధ్యాహ్నం 1 నుంచి సాయంత్రం 5 వరకు తరగతులు నిర్వహించాలని పేర్కొంది. ఏప్రిల్ 24 నుంచి వేసవి సెలవులు ప్రారంభం అవుతాయని, జూన్ 12 న పున : ప్రారంభం అవుతాయని విద్యాశాఖ తెలిపింది.