ఆర్మూర్, బతుకమ్మ : రక్తదానం చేసి ప్రాణదాతలుగా నిలవాలని ఆర్మూర్ పట్టణానికి చెందిన హెల్పింగ్ హాండ్స్ బ్లడ్ డోనర్స్ ఫౌండర్, ఆర్మూర్ బీజేవైఎం పట్టణ అధ్యక్షులు కలిగోట ప్రశాంత్ పటేల్ అంటున్నారు. ఆయన గత 5-6 సంవత్సరాలుగా ఆపదలో ఉన్న వారికి తన వంతు రక్తదానం చేస్తున్నారు. హెల్పింగ్ హాండ్స్ బ్లడ్ డోనర్స్ ఫౌండేషన్ స్థాపించి అత్యవసర పరిస్థితులలో ఉన్న వారికి రక్తదానం చేస్తున్నారు వారి గ్రూప్ సభ్యులు. శనివారం ఆయన 15వసారి రక్తదానం చేసినట్లు తెలిపారు.