సమయపాలన పాటించని అంగన్వాడీ టీచర్….

– అంగన్వాడి కేంద్రలపై పర్యవేక్షణ కరువు…..

రుద్రూర్, బతుకమ్మ:

రుద్రూర్ మండలంలోని సులేమాన్ నగర్ గ్రామంలో గల అంగన్వాడీ సెంటర్ లో అంగన్వాడీ టీచర్ సమయపాలన పాటించడం లేదని స్థానిక ప్రజలు ఆరోపిస్తున్నారు. ఉదయం 9 గంటల నుంచి సాయంత్రం 4 గంటల వరకు టీచర్ ఉండాల్సి ఉండగా, వారు సమయానికి రాకుండా ఇష్టానుసారంగా వస్తున్నట్లు విమర్శలు వినిపిస్తున్నాయి. ఇలాగైతే అంగన్వాడి కేంద్రంలో చిన్నారులకు చదువులు ఎలా కొనసాగుతాయని స్థానిక ప్రజలు ప్రశ్నించుకుంటున్నారు. ఈ విషయమై శనివారం రోజున బతుకమ్మ న్యూస్ రిపోర్టర్ ఉదయం సుమారు 10:00 ప్రాంతంలో అంగన్వాడీ సెంటర్ కు వెళ్లి చూస్తే పిల్లలు వచ్చి కూర్చున్నాక కూడా టీచర్ రాక అంగన్వాడి కేంద్రంలో పనిచేస్తున్న ఆయా అన్ని చూసుకుంటున్నట్లు తెలుస్తుంది. ఇప్పటికైనా అధికారులు, సూపర్ వైజర్ అంగన్వాడీ కేంద్రాలను పర్యవేక్షించాలని స్థానిక ప్రజలు కోరుతున్నారు.