బాబ్లి ప్రాజేక్ట్ గేట్ల ఎత్తివేత

.. ప్రాజెక్ట్ 14 గేట్ల ఎత్తివేత

. . . ఎస్సారెస్పీ లోకి 0.2 టీఎంసీల నీరు రాక

నిజామాబాద్, బతుకమ్మ:

మహారాష్ట్రలో గోదావరి నదిపై నిర్మించిన బాబ్లీ ప్రాజెక్టు గేట్లు బుధవారం తెరిచారు. సుప్రీంకోర్టు ఆదేశాల మేరకు జూలై 1వ తేదీన బాబ్లీ ప్రాజెక్టు 14 గేట్లు ఎత్తి దిగువకు నీటిని విడుదల చేశారు.  మహారాష్ట్రలోని నాందేడ్​ జిల్లా ధర్మాబాద్​ సమీపంలోని బాబ్లీ ప్రాజెక్టు గేట్లు మహారాష్ట్ర, తెలంగాణ నీటిపారుదల శాఖ అధికారులు, కేంద్ర జల వనరుల శాఖ అధికారుల సమక్షంలో గేట్లు ఎత్తారు.  గేట్లు అక్టోబర్ 28 వరకు తెరిచి ఉంచాలని సుప్రీం ఆదేశాలు  ఉన్నాయి. ఈ క్రమంలో 30వ తేదీన ప్రాజెక్టు వద్దకు చేరుకున్న ఇరు రాష్ట్రాల అధికారులు అర్ధరాత్రి దాటిన తర్వాత గేట్లు తెరిచారు. దీంతో దిగువకు 0.2 టీఎంసీల నీరు ఎస్సారెస్పీ వైపు వస్తోంది. ఈ కార్యక్రమంలో సెంట్రల్ వాటర్ కమిషన్ హైదరాబాద్ ఎగ్జిక్యూటివ్ ఇంజనీర్ చరణ్, జూనియర్ ఇంజినీర్లు సాయి ప్రణీత్, ప్రకాష్, మహారాష్ట్ర నీటిపారుదల శాఖ అధికారులు బన్సోద్, ఓట్​దార్, గవాయి, ఎస్సారెస్పీ అసిస్టెంట్ ఎగ్జిక్యూటివ్ ఇంజనీర్లు కొత్త రవి, శ్యామ్ కుమార్, విన్యాస్ రెడ్డి పాల్గొన్నారు.